TOShKENT, 20 mar – Sputnik Prezident Vladimir Putin Xitoy raisi Si Szinpinning davlat tashrifi arafasida “Jenmin jibao” gazetasiga “Rossiya va Xitoy – kelajakka yuz tutgan hamkorlik” nomli maqola yozdi.
Xitoy xalqiga murojaatida Rossiya rahbari Moskva va Pekin o‘rtasidagi do‘stona munosabatlarni qayd etib, Rossiya va Xitoy tarafdori bo‘lgan adolatli ko‘p qutbli dunyo tartibi haqida ta’kidlab o‘tgan. Asosiy bayonotlar - RIA Novosti materialida.
Si Szinpin bilan tanishuv va Rossiya – Xitoy do‘stligi haqida
“Biz o‘rtoq Si Szinpin bilan 2010-yilning mart oyida tanishganmiz. Uch yil o‘tib, taxminan xuddi shunday mart kunlari biz yana Rossiya poytaxtida uchrashdik. O‘sha sammit Rossiya- Xitoy munosabatlarining ko‘p yillik shiddatini belgilab berdi”.
“O‘n yil o‘tdi. Bu payt davomida dunyoda ko‘p narsa o‘zgardi va ko‘p hollarda yaxshi tomonga emas. Biroq asosiysi Rossiya – Xitoyning mustahkam do‘stligi o‘zgarmas bo‘lib qoldi. Munosabatlar tarixdagi eng yuqori darajasiga yetdi va mustahkamlanishda davom etmoqda”.
“Biz Si Szinpin bilan taxminan 40-marta uchrashdik va har doim turli rasmiy formatlarda ham, “galstuksiz” sharoitda ham muloqot qilish imkoniyatini topdik”.
Iqtisodiy munosabatlar haqida
“Bizning ustuvor yo‘nalishlarimizdan biri savdo-iqtisodiy hamkorlik. 2022-yil oxirida o‘zaro tovar ayirboshlash hajmi ikki baravar ko‘paydi va 185 milliard dollarga yetdi. Bu yangi rekord. Va bizda shunday taxminlar uchun asoslar borki, 200 mlrd ga yetkazish maqsadi 2024-yilda emas, balki mana shu yilning o‘zida amalga oshadi”.
“Uzoq muddatli qo‘shma reja va dasturlar muvaffaqiyatli amalga oshirilmoqda. “Sibir qudrati” gaz quvuri, mubolag‘asiz, ko‘lami bo‘yicha “asr kelishuvi”ga aylandi. Mahalliy neft va ko‘mirni yetkazib berish hajmi sezilarli darajada oshdi”.
“Rossiya va Xitoy tom va majoziy ma’noda ham ko‘prik qurmoqda. Misol uchun, o‘tgan yili chegaradosh viloyatlarimiz anchadan buyon “do‘stlik darosi”ga aylangan Amur darosi ustidagi ikkita ko‘prik o‘tish joyi orqali bog‘landi”.
Ko‘p qutbli dunyo haqida
“AQShning Rossiya va Xitoyni, shuningdek, Amerika qoidalariga bo‘ysunmaydiganlarni ikki tomonlama zaiflashtirish bo‘yicha olib borayotgan yo‘nalishi yanada keskin va qat’iy tus olmoqda. Xalqaro xavfsizlik va hamkorlik arxitekturasi demontaj qilinmoqda. Rossiya. “bevosita tahdid”, Xitoy esa “strategik raqobatchi” deb e’lon qilindi.
Xitoyning Ukraina bo‘yicha pozitsiyasi haqida
“Biz Xitoyning Ukrainada sodir bo‘layotgan voqealar bilan bog‘liq vazmin munosabati, ularning kelib chiqishi va haqiqiy sabablarini tushungani uchun minnatdormiz. Biz Xitoyning inqirozni hal qilishda konstruktiv rol o‘ynashga tayyorligini olqishlaymiz”.
“Rossiya Ukraina inqirozini siyosiy-diplomatik yo‘l bilan hal qilishga ochiq. Biroq 2022-yilning aprelida tinchlik muzokaralarini biz to‘xtatmagan edik. Rossiyaga qo‘yilgan ultimatum talablari faqat bunday voqeliklardan yakkalanganlik va hozirgi vaziyatdan chiqish yo‘lini qidirishdan manfaatdor emaslikni anglatadi”.
Barqarorlikning tamal toshi
“Ayrim kuchlar umumiy Yevroosiyo makonini mamlakatlarimiz taraqqiyotini jilovlash va ularning manfaatlariga tajovuz qilishga qaratilgan "eksklyuziv klublar" va harbiy bloklar tarmog‘iga bo‘lib tashlashga astoydil intilmoqda. Biroq bunga hech kim erisha olmaydi”.
“Aynan Rossiya-Xitoy munosabatlari bugungi kunda mintaqaviy va global barqarorlikning tamal toshi bo‘lib xizmat qilmoqda. Ular yirik davlatlar o‘rtasidagi barkamol bunyodkorlik hamkorligining namunasi. Ishonchim komilki, bizning do‘stligimiz va sherikligimiz Rossiya va Xitoyning farovonligi va farovonligi yo‘lida bundan buyon ham rivojlanib, mustahkamlanib boraveradi”.