TOShKENT, 19 mar — Sputnik. Belgiyaning Lommel shahrida taekvondo WT bo‘yicha “Belgian Open” turniri nihosiga yetdi. Unda O‘zbekiston terma jamoasi 3 ta oltin, 1 ta kumush va 2 ta bronza medallarini qo‘lga kiritdi. Bu haqda Milliy olimpiya qo‘mitasi matbuot xizmati xabar berdi.
Niyaz Pulatov, Ulug‘bek Rashitov hamda Shuhrat Salayev oltin medalga sazovor bo‘ldi.
Feruza Sodiqova kumush medalni qo‘lga kiritgan bo‘lsa, Madinabonu Mannopova va Nikita Rafalovich bronza medaliga sazovor bo‘ldi.