TOShKENT, 18 mar — Sputnik. O‘zbekiston va Belarus o‘rtasida sport sohasidagi hamkornikni rivojlantirish bo‘yicha memarandum imzolandi. Bu haqda Yoshlar siyosati va sport vazirligi xabar berdi.
Yoshlar siyosati va sport vaziri Adkham Ikramov Belarus turizm va sport vaziri Sergey Kovalchuk bilan uchrashdi.
Uchrashuvda ikki mamlakat o‘rtasida hamkorlik aloqalarini yanada rivojlantirish, murabbiylar va hakamlar, qolaversa sportchilar o‘rtasida tajriba almashish imkoniyatini yaratish, xalqaro nufuzli musobaqalarni tashkil etishda o‘zaro hamkorlikni yo‘lga qo‘yish bo‘yicha memorandum imzolandi.
O‘zbekiston va Belarus sport sohasida hamkorlikni yo‘lga qo‘ydi
© Yoshlar siyosati va sport vazirligi
O‘zbekiston tomoni yoshlar orasida sportni rivojlantirish borasida amalga oshirilayotgan imkoniyatlar va yangilanishlar haqida ma’lumot berib o‘tdi.
Belarus turizm va sport vaziri Sergey Kovalchuk esa 4-14 avgust kunlari II MDH o‘yinlari o‘tkaziladigan sport majmualari haqida so‘z yuritdi.