TOShKENT, 9 mar - Sputnik. Belgorodning sobiq meri Anton Ivanov O‘zbekistonga uchib ketmoqchi bo‘lgan vaqtida hibsga olindi, sudda sobiq merning o‘zi chet elga chiqishga urinishini ish izlash bilan izohladi. Bu haqda RIA Novosti yozmoqda.
“Hali ish yo‘qligini va davom etishim kerakligini ko‘rib, ko‘p uchrashuvlar va suhbatlar o‘tkazdim... O‘tgan haftadan oldin sinfdoshlarim bilan uchrashdim, bu Toshkent shahrida edi... Mamlakat bo‘ylab bemalol yurdim. Menga nisbatan tekshiruv olib borilayotganiga shubha qilmasdan, mamlakat bo‘ylab va MDH davlatlari bo‘ylab harakat qilayotgandim”, — dedi Ivanov sud jarayonida.
Uning advokati Yelena Palimovaning aytishicha, qo‘lga olish u aeroportda chegarani kesib o‘tmoqchi bo‘lgan vaqtda sodir bo‘lgan.
2021 yil dekabr oyida Ivanov Belgorod shahar kengashi deputatlari tomonidan Belgorod ma’muriyati rahbari lavozimiga saylandi. U o‘tgan yilning oktabr oyi oxirida lavozimidan ketishini e’lon qildi, uning qarorini Belgorod viloyati rahbari Vacheslav Gladkov qo‘llab-quvvatladi. Ivanov 2023-yil mart oyi boshida hibsga olingan, u ko‘p miqdorda pora olganlikda ayblanmoqda.