TOShKENT, 7 mar — Sputnik. Rossiyaning “Pobeda” aviakompaniyasi Moskvadan Samarqandga to‘g‘ridan-to‘g‘ri parvozlarni amalga oshiradi. Bu haqda “Uzbekistan Airports” xabar berdi.
Ta’kidlanishicha, aviakompaniya 21-apreldan boshlab Moskva va Samarqandni to‘g‘ridan-to‘g‘ri charter reyslar bilan bog‘lashni rejalashtirmoqda.
Moskva-Samarqand-Moskva yo‘nalishi bo‘yicha parvozlar haftasiga ikki marta — payshanba va yakshanba kunlari amalga oshirilishi rejalashtirilgan.
“Pobeda” — “Rossiya havo yo‘llari” guruhining sho‘’ba korxonasi Rossiyaning arzon aviakompaniyasi bo‘lib, shtab-kvartirasi Vnukovo (Moskva) aeroportida joylashgan.