TOShKENT, 4 mar — Sputnik. Rossiya maxsus operatsiya davomida o‘z oldiga qo‘ygan barcha vazifalarni hal qilgandan so‘ng, Qo‘shma Shtatlar Yevropa va Rossiya o‘rtasidagi qarama-qarshilikni kuchaytirishi yoki Markaziy Osiyo mamlakatlarida sa’y-harakatlarni kengaytirishga urinishi mumkin, bu haqda RIA Novosti xabar berdi.
Federatsiya Kengashining Davlat suverenitetini himoya qilish komissiyasi rahbari Andrey Klimov Rossiyaning maxsus operatsiyasi muvaffaqiyatli yakunlanganidan so‘ng AQShning taxminiy harakatlarini sanab o‘tdi.
Uning so‘zlariga ko‘ra, birinchidan Qo‘shma Shtatlar Rossiyaning g‘arbiy chegaralariga tutashgan boshqa mamlakatlarning ekspluatatsiyasini kuchaytirish orqali Rossiyani Yevropa qanotida "ortiqcha zo‘riqish" ni davom ettirishga qaror qiladi - birinchi navbatda Moldova, Ruminiya, shuningdek, Boltiqbo‘yi mamlakatlari, Polsha va Finlyandiya.
“Ehtimol, Qo‘shma Shtatlar biz bilan gibrid urushning Yevropa jabhasida tanaffuz qilishga harakat qilib, tajovuzning asosiy yo‘nalishini Xitoyga qaratadi, "bizni XXR bilan birgalikda Markaziy Osiyo, Yaponiya va Koreya Respublikasi orqali "olishni" davom ettiradi”, deydi u.
Voqealarning yana bir ehtimoliy rivojlanishi shundan iborat: amerikaliklar mamlakatda prezidentlik saylovlari bo‘lib o‘tadigan 2024-yilning kuziga qadar Moskvani Pekindan ajrata olmasliklarini anglab yetadilar.
Ular hech bo‘lmaganda iqtisodiy jihatdan jozibador bo‘lgan G‘arbiy Yevropa, resurslar bilan ta’minlangan Afrikani, ASEAN mamlakatlarini mustamlaka qilishni kuchaytirishga harakat qilishadi, shu bilan birga Lotin Amerikasining "orqa hovli"dagi dushmanlarini tozalashga urinadi.