TOShKENT, 1 mar — Sputnik. Endi avtomobilning orqa o‘rindig‘idagi yo‘lovchilar ham xavfsizlik kamarlarini taqib olishlari kerak. Bu O‘zbekiston respublikasi Vazirlar mahkamasining “Yo‘l harakati qoidalarini tasdiqlash to‘g‘risida”gi Qarorida aytilgan, deb yozmoqda O‘zA.
Hujjatda transport vositasining orqa o‘rindig‘idagi yo‘lovchilar ham xavfsizlik kamarlarini taqib olishlari inson hayotini saqlab qolish uchun muhim ekanini targ‘ib qilish bo‘yicha chora-tadbirlar amalga oshirilishi kerakligi qayd etilgan.
Avvalroq yo‘laklarda harakatlanuvchi piyodalar uchun sariq jiletlardan foydalanish tartibi joriy etilishi haqida xabar bergan edik.