TOShKENT, 26 fev - Sputnik. Bir necha kundan buyon janglar bo‘layotgan Artemovsk shahri bugungi kunda qanday ko‘rinishda ekanini RIA Novosti korrespondenti ko‘rsatdi.
Ma’lumot uchun, Doneskdan 90 km masofada joylashgan Artemovsk (Ukraina uni Baxmut deb ataydi) - yirik sanoat markazi hisoblanadi. 2014-yildan buyon u UQK tomonidan mustahkam istehkomga aylantirilgan.
Jangovar nuqtayi nazardan Artemovsk Ukraina qo‘shinlarini ta’minlash uchun muhim transport uzeli hisoblanadi. Artemovskning qo‘lga olinishi Ukraina qo‘shinlari ta’minotini ikkiga bo‘lib tashlaydi va Rossiya kuchlari uchun Kramatorsk va Slavansk yo‘nalishlariga harakat erkinligini ta’minlaydi.
Ayni damda Atemovsk uchun shiddatli janglar olib borilmoqda. Rossiya qo‘shinlari shaharni Ukraina bilan bog‘lovchi asosiy yo‘lni nazorat ostiga olganidan so‘ng Artemovskdagi UQKning ta’minoti murakkablashdi. UQK Rossiya qo‘shinlarining oldinga siljishini murakkablashtirish maqsadida shahar yaqinidagi to‘g‘onni portlatib yuborishdi. Buning oqibatida shaharda vaziyat yanada murakkablashdi.
Rossiya maxsus operatsiyasi
Rossiya 2022-yil 24-fevral kuni Ukrainada maxsus harbiy operatsiya boshlanganini e’lon qildi. Rossiya prezidenti Vladimir Putin bu operatsiyaning maqsadi "sakkiz yil davomida Kiyev rejimi tomonidan tahqirlangan va genotsidga uchragan DXR va LXR fuqarolarini himoya qilish" deb atagan.
Buning uchun Ukrainani demilitarizatsiya (harbiy infratuzilmalarini yo‘q qilish) va denatsifikatsiya (millatchilik g‘oyalaridan tozalash) qilish talab etiladi. Shuningdek, Qurolli Kuchlar oldida Donbassni ozod qilish va Rossiya xavfsizligini kafolatlash turibdi.