TOShKENT, 25 fev — Sputnik. Ukraina oldida vaqtni yo‘qotish va noto‘g‘ri rivojlanish yo‘lidan borish uchun yangi tahdid paydo bo‘ldi. Bu haqda Vladimir Zelenskiy idorasi rahbarining sobiq maslahatchisi Aleksey Arestovich Telegram-kanalida ma’lum qildi, deya xabar berdi RIA Novosti.
Uning qayd etishicha, hozir Ukrainada tarixiy yo‘lda mafkuraviy ziddiyat kuchayib bormoqda. Agar ukrainaliklar yopiq va monoetnik mamlakat yo‘lini tanlasa, u holda muammolar boshlanadi.
“Bunday mamlakat uzoq vaqt gullab-yashnamaydi va mavjud bo‘lolmaydi. Bundan yuz yil oldin ham urinishlar bo‘lgan. Natija ma’lum - davlatchilikni yo‘qotish, Golodomor va qatag‘on. Yangi urinishlar ham xuddi shunday oqibatlarga olib keladi”, - deya xulosa qildi u.
Eslatib o‘tamiz, avvalroq Ukrainadagi vaziyat uning mustaqil davlat sifatida mavjud bo‘lolmasligidan dalolat berishi ma’lum qilingan edi. Barak Obama ma’muriyati qoshidagi Davlat departamentining AQSh-Rossiya ishlari bo‘yicha maslahatchisi Jeyms Karden ma’lum qilishicha, 1991-yilda Ukraina mustaqillikka erishganidan beri uning birin-ketin rahbarlari hayotiy ko‘pmillatli davlat yarata olmadi.