TOShKENT, 24 fev — Sputnik. Maktablarda 11-sinf hayot yo‘li sinfi bo‘ladi. Bu haqda prezident Shavkat Mirziyoyev Qashqadaryo viloyatiga tashrifi chog‘ida ma’lum qildi, deya xabar berdi davlat rahbari matbuot xizmati.
Shavkat Mirziyoyev Qarshi tumanidagi Yangi Batosh mahallasida 660 o‘rinli yangi qurilgan maktabni borib ko‘rdi.
Qashqadaryo viloyati
© Press-slujba prezidenta Uzbekistana
Mazkur maktab xonalarida o‘quvchilar tikuvchilik, zargarlik, pazandachilik, sartaroshlik, elektrsozlik, kompyuter va mobil telefonlarga xizmat ko‘rsatish, robototexnika bo‘yicha kasb sirlarini o‘rganadi.
Qashqadaryo viloyati
© Press-slujba prezidenta Uzbekistana
Davlat rahbari o‘quvchilar bilan muloqotda bo‘ldi.
“Shunday sharoit yaratayapmizki, o‘quvchilar maktabdan chet tillarini va hunar o‘rganib chiqadi. 11-sinf hayot yo‘li sinfi bo‘ladi. Agar har bir yosh shunday o‘qib, jamiyatda o‘z o‘rnini topsa, O‘zbekistonimizga mustahkam zamin bo‘ladi”, - dedi Shavkat Mirziyoyev.
Qashqadaryo viloyati
© Press-slujba prezidenta Uzbekistana
Prezident shuningdek, qashqadaryolik o‘qituvchilar bilan ham suhbatlashdi.
“Har bir islohotda, qaror qabul qilishda o‘qituvchilar ko‘z oldimda bo‘ladi. Sir emas, ilgari bolalar uch oylab paxtaga chiqarilardi. Birgina Qashqadaryoda 155 ming o‘quvchi o‘rni yetishmasdi. Buning uchun viloyatga 1 trillion mablag‘ ajratildi. 215 ta maktab qurildi”, deya qayd etdi prezident.
Ma’lum qilinishicha, Qashqadaryo maktablar soni bo‘yicha respublikada birinchi o‘rinda.O‘qituvchilarning oylik maoshlari ham oshirilgan.