TOShKENT, 24 fev — Sputnik. O‘zbekiston va Ozarbayjon hukumatlari juma kuni 500 million dollarlik qo‘shma investitsiya fondini yaratish to‘g‘risidagi bitimni imzoladi, deb xabar berdi Sputnik muxbiri.
Juma kuni Toshkentda mintaqalar forumining birinchi yig‘ilishi hamda O‘zbekiston va Ozarbayjon ishbilarmonlar kengashining yig‘ilishi bo‘lib o‘tadi.
“Jamg‘arma Ozarbayjon va O‘zbekiston o‘rtasida yangi ish o‘rinlari yaratish, tovar aylanmasini oshirish va sanoat kooperatsiyasini mustahkamlashga yordam beradi”, - dedi Ozarbayjon iqtisodiyot vaziri Mikayil Jabborov shartnomani imzolash marosimida.
Uning so‘zlariga ko‘ra, jamg‘arma kapitalining 500 million $ bu dastlabki miqdor. “U o‘zlashtirilgach, biz davlatlar o‘rtasidagi munosabatlar yanada kengroq mazmunga ega bo‘lishi uchun jamg‘arma hajmini oshirishga tayyor bo‘lamiz”, — deya qo‘shimcha qildi vazir.
2022 yil iyun oyida Ozarbayjon prezidenti Ilhom Aliyevning O‘zbekistonga tashrifi chog‘ida neft-gaz, kimyo va to‘qimachilik sanoati, shuningdek, qishloq xo‘jaligi sohasida loyihalarni amalga oshirish bo‘yicha umumiy qiymati 500 million dollardan ortiq bo‘lgan hujjatlar to‘plami imzolangan edi.