TOShKENT, 24 fev — Sputnik. NATO Xitoyning Rossiyaga qurol yetkazib berish ehtimolidan xavotirga tushdi. Bu haqda RIA Novosti xabar berdi.
NATO bosh kotibi Yens Stoltenberg Estoniyaga tashrifi chog‘ida NATO Xitoy tomonidan Rossiyaga qurol yetkazib berish haqida hech qanday ma’lumot ko‘rmagani, ammo bunday yetkazib berish niyatidan dalolat beruvchi "signallar"dan xavotirda ekanini ma’lum qildi.
“Biz Xitoydan Rossiyaga hech qanday halokatli qurol yetkazib berilishini ko‘rmadik, ammo biz Rossiya harbiy ta’minotining ehtimoliy niyati haqida signallarni ko‘rdik. Xitoy buni qilmasligi kerak, bu noqonuniy bosqinni qo‘llab-quvvatlash va xalqaro huquqni buzish bo‘lar edi... Biz Xitoy nima qilayotganini diqqat bilan kuzatib boramiz. Bu juda katta xato bo‘lardi”, deydi Stoltenberg.
Avvalroq Xitoy Tashqi ishlar vazirligi Rossiya va Xitoy o‘rtasidagi munosabatlar haqida emas, balki AQShning tinchlikni buzishi haqida tashvishlanishga chaqirgan edi. Qayd etilishicha, Rossiya-Xitoy munosabatlari bloklarga qo‘shilmaslik, qarama-qarshilik qilmaslik va uchinchi tomonlarni nishonga olmaslik tamoyillari asosida qurilgan.