TOShKENT, 22 fev — Sputnik. O‘zbekistonda Vatan himoyachilari kuniga bag‘ishlangan aksiya o‘tkazildi. Mangu olovga gulchambar qo‘yish marosimida Rossiyaning O‘zbekistondagi elchisi Oleg Malginov ham ishtirok etdi. Bu haqda Sputnik muxbiri xabar berdi.
© Sputnik/Ramiz Baxtiyarov
Rossiya elchisi o‘z nutqida O‘zbekiston xalqiga urush xotiralarini saqlab qolgani uchun minnatdorlik bildirdi.
© Sputnik/Ramiz Baxtiyarov
“Shu kunda biz o‘z mamlakati mustaqilligini qo‘rqmasdan himoya qilgan barcha qahramonlarni yodga olamiz. Umumiy tariximiz xalq xotirasida, yodgorlik majmualarida saqlanib qolgani uchun O‘zbekiston xalqidan minnatdormiz”, dedi Oleg Malginov.
Bundan tashqari, tadbirda O‘zbekiston faxriylar va yoshlar tashkilotlari, respublika milliy madaniyat markazlari vakillari ishtirok etdi.