TOShKENT, 19 fev — Sputnik. Toshkent viloyatida “Jeep-sprint” xalqaro musobaqasi bo‘lib o‘tadi. Bu haqda Toshkent viloyati hokimligi axborot xizmati xabar berdi.
Ta’kidlanishicha, viloyat hokimligi O‘zbekiston respublikasi Avto-moto turizm assotsiatsiyasi bilan hamkorlikda “Jeep-sprint” xalqaro musobaqasini tashkil etmoqda.
Tadbir 25-26 fevral kunlari Bo‘stonliq tumanining “Oqsoqotasoy” hududida o‘tkazilishi rejalashtirilgan.
Qayd etilishicha, hozirda turnirga qizg‘in tayyorgarlik ko‘rilmoqda. Mazkur musobaqaga xorijiy mehmonlarning oqimi sezilarli darajada oshishi kutilmoqda.