Juftliklar va yosh oilalarning ramziy boshpanasi – Yapon bog‘i
Toshkent markazidagi Yapon bog‘i fevralning hoh yomg‘irli bo‘lsin, hoh quyoshli kunida o‘ziga hos va sehrli ko‘rinadi. Bog‘ romantiklar uchun eng yaxshi joy. Aynan kelin-kuyovlar chiroyli fotosessiya uchun bog‘ga boradi.
Yana bir top manzillardan biri “Anhor-Lokomotiv” parki, u yerda Toshkent shahridagi eng baland “Anhor yulduzi” charxpalagi joylashgan.
Ayniqsa oqshomda butun Toshkentni ko‘rish imkoniyatiga ega bo‘lishingizni hisobga olsa, ushbu manzil juftingiz bilan 14-fevralni o‘tkazish uchun ideal joy.
Park rang-barang tus oladigan favvoralari va Toshkentdagi “Eyfel” minorasi bilan juftliklarga romantik kayfiyat ulasha oladi.
Amir Temur xiyoboni – Toshkentning markaziy qismi ramzi.Hiyobon doimo odamlar bilan gavjum, yoshlar va juftliklar uchun ham allaqachon sevimli maskanga aylanib ulgurgan.
Toshkent teleminorasi – 375 metrli, Markaziy Osiyodagi eng baland minora. Uning ichida ikkita aylanadigan restoran ham mavjud.
Ulug‘vor inshootdan Toshkent manzarasini tomosha qilish har bir insonga zavq bag‘ishlaydi.
Botanika bog‘i – bu joy love story fotosessiyalarini uyushtirish borasidagi eng sevimli joy.
Magic city – “Milliy bog‘” hududida ochilgan eng yorqin, yoshlar dam olishi, o‘ynab-kulishi mumkin bo‘lgan manzil.
Toshkent Markaziy ekoparki – sevishganlarni tez-tez uchratishingiz mumkin bo‘lgan yana bir maskan, Sevgi oroli.
“Moviy gumbazlar” - poytaxtning markaziy qismida joylashgan, o‘ziga xos xiyobon. Mashhur kitob qatorlari, yoshlarbop va shu bilan birga oilaviy sayr qilish uchun qulay va o‘zgacha atmosferasi sababli boshqa xiyobonlardan ajralib turadi.