TOShKENT, 11 fev — Sputnik. Toshkentda VI an’anaviy Gidlar forumi o‘tkaziladi. Bu haqda Turizm va madaniy meros vazirligi xabar berdi.
Toshkentdagi “Raddison Blu” mehmonxonasida 21-fevral kuni "O‘zbekiston Gidlari forumi - 2023" VI an’anaviy Gidlar forumi o‘tkaziladi.
“Ushbu forum hamkorlikning yangi yo‘nalishlarini rivojlantirishga turtki bo‘ladi, ekskursiya jamoatchiligiga innovatsion texnologiyalar va yangi ta’lim loyihalarini taqdim etadi”, deyiladi xabarda.
Tadbir “Ekskursiya faoliyati: hamkorlik va innovatsiyalar” mavzusiga bag‘ishlanadi.