TOShKENT, 10 fev — Sputnik. Rossiya prezidenti Vladimir Putin 21-fevral kuni Federal majlisga murojaatnoma yo‘llaydi. Bu haqda Rossiya rahbari matbuot kotibi Dmitriy Peskov ma’lum qildi.
Peskovning so‘zlariga ko‘ra, Rossiya yetakchisi o‘z murojaatnomasida maxsus operatsiya, iqtisodiyot va ijtimoiy sohaga e’tibor qaratadi. Tadbirga jangovar harakatlar qatnashchilari taklif etilishi mumkin.
Davlat dumasi deputatlari va Federatsiya Kengashi a’zolariga har yili mamlakatdagi vaziyat, ichki va tashqi siyosatning asosiy yo‘nalishlari to‘g‘risida murojaatnoma yo‘llash Rossiya prezidentining vakolatlaridan biridir. Rossiya rahbarining parlamentga oldingi murojaatnomasi 2021-yil aprelida yo‘llangan edi. Putin o‘tgan yil dekabrida joriy yil boshida murojaatnoma yo‘llashini ma’lum qilgan edi, chunki unga vaziyatni qo‘shimcha tahlil qilish uchun vaqt kerak.