TOShKENT, 5 fev — Sputnik. Rossiya qurolli kuchlarining “Vostok” guruhi Janubiy Donesk va Zaporojye yo‘nalishlarida bir sutkada 130 dan ortiq ukrainalik askarni, shuningdek, Ugledardagi artilleriya omborini yo‘q qildi. Bu haqda Rossiya Mudofaa vazirligi ma’lum qildi.
“Janubiy Donesk va Zaporojye yo‘nalishlarida “Vostok” kuchlar guruhi bo‘linmalarining artilleriya o‘qlari va faol harakatlari natijasida 130 dan ortiq Ukraina harbiy xizmatchilari yo‘q qilindi”, - deyiladi Mudofaa vazirligi xabarida.
Bundan tashqari, ushbu yo‘nalishlarda ikkita tank, ikkita jangovar zirhli mashina, ikkita avtomobil, “Gvozdika” o‘ziyurar gaubitsasi va boshqalar yo‘q qilingan. Ugledar hududida Ukraina artilleriya o‘q-dorilari ombori ham yo‘q qilingan.
24 fevraldan beri Rossiya Ukrainada maxsus harbiy operatsiya o‘tkazmoqda. Vladimir Putin uning maqsadini “sakkiz yil davomida Kiyev rejimi tomonidan bezorilik va genotsidga uchragan odamlarni himoya qilish” deb atagan. Qurolli kuchlar oldida Donbassni ozod qilish va Rossiya xavfsizligini kafolatlash vazifasi turibdi.