TOShKENT, 2 fev — Sputnik. Toshkentda “Jaloliddin Manguberdi” milliy baleti premyerasi bo‘lib o‘tadi. Unga rossiyalik Denis Vlasenko dirijorlik qiladi, deya xabar berdi Madaniyat va turizm vazirligi.
“Jaloliddin Manguberdi” milliy baleti premyerasi 4-5 fevral kunlari bo‘lib o‘tadi.
Milliy balet Alisher Navoiy nomidagi O‘zbekiston davlat akademik katta teatrida davlat buyurtmasi asosida sahnalashtirilgan.
“Jaloliddin Manguberdi” milliy baleti
© Madaniyat va turizm vazirligi
Sahnalashtiruvchi baletmeyster turkiyalik Mexmet Balkan bo‘lib, orkestrga Rossiyadan teatrga bosh dirijor sifatida taklif etilgan Denis Vlasenko dirijorlik qiladi.
“Jaloliddin Manguberdi” milliy baleti
© Madaniyat va turizm vazirligi
Premyera 4-fevral kuni soat 17:00 da ( 5-fevral soat 18:00) boshlanadi.
Ma’lumot uchun, Jaloliddin Manguberdi Xorazmshohlar davlatining so‘nggi hukmdori mohir sarkarda hisoblanadi.