TOShKENT, 31 yanv - Sputnik. Eron xavfsizlik kuchlari Isfahon shahridagi Mudofaa vazirligi obyektiga hujum qilgan dron ishlab chiqaruvchisini aniqladi, deb xabar bermoqda ISNA mamlakat Milliy xavfsizlik oliy kengashiga yaqin manbalarga tayanib.
"Dronlardan birining qismlarini texnik ekspertizadan o‘tkazish <...> xavfsizlik organlariga qimmatli ma’lumotlarni taqdim etdi. Dron korpusining tarkibiy qismlari, uning dvigatellari, quvvat va navigatsiya tizimlarini tahlil qilish hamda ularni taqqoslash tufayli mavjud namunalar bilan ishlab chiqaruvchi aniq aniqlandi”, - deyiladi xabarda.
Eslatib o‘tamiz, 29-yanvar, yakshanbaga o‘tar kechasi Eronning markaziy qismida joylashgan Isfahon shahrida kuchli portlash sodir bo‘ldi. Keyinroq respublika Mudofaa vazirligi portlovchi moddalar bilan kvadrokopterlardan foydalangan holda harbiy obektga hujum uyushtirish muvaffaqiyatsiz urinish bo‘lganini e’lon qildi.
Dronlardan biri urib tushirilgan, qolgan ikkitasi mudofaa tuzoqlariga tushib portlagan. OAV voqeaga AQSh va Isroilning aloqadorligi ehtimoli haqida xabar bergan edi.