TOShKENT, 30 yanv — Sputnik. O‘zbekistonning Rossiyadagi Bosh konsulligi xodimlari Leningrad aholisi va himoyachilari – blokada qurbonlari xotirasiga hurmat bajo keltirdi. Bu haqda “Dune” AA xabar bermoqda.
O‘zbekiston diplomatlari juma kuni bo‘lib o‘tgan Sankt-Peterburgdagi Piskarevskiy memorial qabristoniga gulchambar qo‘yish marosimida ishtirok etdi. U Ikkinchi jahon urushi davrida Leningradning fashistlar qamalidan to‘liq ozod qilinganining 79-yilligiga bag‘ishlandi.
Shuningdek, Leningradning fashislar qamalidan to‘liq ozod etilganligining 79-yilligiga bag‘ishlangan rasmiy shahar xotirlash tadbirlarida O‘zbekistondan uch nafar Ikkinchi jahon urushi faxriylari ishtirok etdi. Ular qamalda qolgan Leningrad aholisi bo‘lgan. Ular orasida Valeriya Sapriko, Yuriy Smolich va Tamara Siglinseva bor.
Piskarevskiy memorial qabristoni Sankt-Peterburgning shimoli-sharqida joylashgan. Qabriston Leningrad qamali qurbonlari va Leningrad fronti askarlarining ommaviy qabrlari joylashgan joylardan biri. Turli manbalarga ko‘ra, qabristonda 470-520 mingga yaqin odam dafn etilgan, ulardan yetti ming nafari Leningrad yaqinida jang qilgan o‘zbekistonlik askarlardir.