“Azimut” aviakompaniyasi Sochidan Buxoroga yangi reysni yo‘lga qo‘ydi

TOShKENT, 30 yanv — Sputnik. Rossiyaning "Azimut" aviakompaniyasi Sochidan Buxoroga yangi reysni yo‘lga qo‘ydi. Bu haqda “Uzbekistan Airports” xabar qildi.

Aviakompaniyaning Sochidan uchgan samolyoti 30-yanvar kuni mahalliy vaqt bilan soat 00:40 da Buxoro aeroportiga kelib qo‘ngan.

Sochi-Buxoro-Sochi yo‘nalishi bo‘yicha charter reyslar “Sukhoi Superjet 95” samolyotida haftada bir marta — yakshanba kunlari amalga oshirilishi rejalashtirilgan.

Eslatib o‘tamiz, "Azimut" aviakompaniyasi Mineralnie Vodidan Toshkent, Samarqand, Qarshi, Navoiy, Urganch, Buxoroga muntazam, Farg‘ona va Namanganga esa charter reyslarini amalga oshiradi. Bundan tashqari, Rossiya aviatashuvchisi Toshkent va Samarqandni Moskvaga muntazam qatnovlar bilan bog‘lagan.