TOShKENT, 25 yanv - Sputnik. Rossiya armiyasining yangi yildagi birinchi muhim taktik g‘alabasi, DXRda Soledarning ozod qilinishi, Ukraina Qurolli kuchlarining (UQK) Donbassdagi eng kuchli mudofaa markazlaridan biri bo‘lgan Artyomovsk atrofidagi transport uzellarini yopish imkonini berdi. Keyinchalik nima bo‘lishi mumkinligi haqida - Sputnik maqolasida.
Ta’minotni kesish
Rus qo‘shinlari Artyomovskni Seversk bilan bog‘laydigan avtomobil magistralini to‘sib qo‘ydilar. Endi u tomondan Ukraina Qurolli kuchlari uchun qo‘shimcha kuchlar yetib kelmaydi.
Soledar qo‘lga kiritilgandan so‘ng Artyomovsk shimoli-g‘arbiy tomondan o‘rab olindi. Ushbu ko‘prikdan hujum qilayotgan shimolda Razdolovka, g‘arbda Blagodatniy va janubi-g‘arbda Krasnaya Gora yo‘nalishida harakatlanmoqda. Ukraina mudofaasi darz ketdi.
Janubda ham muvaffaqiyatlar bor. Yaqinda Artyomovskdan Konstantinovkagacha bo‘lgan strategik muhim magistralga besh-olti kilometr yaqin joylashgan Klesheyevka qo‘lga kiritildi. Bundan buyon ushbu yo‘l orqali "Baxmut guruhi" uchun askarlar, texnika va o‘q-dori yetkazib berish ancha qiyin bo‘ladi.
Ammo Artyomovskdan Slavanskkacha bo‘lgan yo‘l ochiq. Uni to‘sib qo‘yish uchun Ukraina Qurolli kuchlarini Krasnaya Gora va Paraskoviyevkadan siqib chiqarish kerak. O‘shanda UQKning ko‘p minglik guruhi qurshovga tushadi.
"Bu yerda ular o‘jarlik bilan kurashmoqdalar va o‘z pozitsiyalarini juda qiyin, istamasdan tark etishmoqda," deydi chaqiriq belgisi "Klim" bo‘lgan 1-armiya korpusining ofitseri. "Bu yerda nafaqat hududiy mudofaa qo‘shinlari harbiylar ham bor. Shuningdek ko‘plab yollanma askarlar, asosan, polshalik. Ularda yetarlicha texnika va o‘q-dori bor, ammo artilleriyada biz ustunlikka egamiz. Bundan tashqari, bu sohada artilleriya va razvedkachilar o‘rtasida yaxshi aloqa yo‘lga qo‘yilgan.
Artyomovsk "go‘sht maydalagich"i
Artyomovskning o‘zida hozir janglar ketmoqda. Hujum bo‘linmalari shaharning sharqiy va janubiy qismlarida pozitsiyalarni egalladi. "Axmat" maxsus kuchlari qo‘mondoni Apti Alaudinov jurnalistlarga aytishiga ko‘ra, yaqin orada Ukraina Qurolli kuchlarini tezkor qurshovga olish haqida gapirish mumkin bo‘ladi.
Uning so‘zlariga ko‘ra, Rossiya armiyasi hujumni juda ehtiyotkorlik bilan olib bormoqda. Chunki u yerda juda ko‘p tinch aholi bor. Shahar ozod etilishi bilan DXR hukumati bu yerda yirik gumanitar yordam markazini ochadi.
Lekin Ukraina qo‘shinlari ham mudofaaga uzoq vaqt tayyorlangan. Har kuni yangi-yangi bo‘linmalar jangga kirishadi. G‘arb OAVlari hisob-kitoblariga ko‘ra, bu yerda UQKning kunlik yo‘qotishlari uch xonali raqamlardan iborat.
Artyomovsk juda katta shahar bo‘lib, u yerda janglar boshlangunga qadar 70 mingga yaqin aholi yashagan. Uning zabt etilishi “bir bo‘lak yerdan ham voz kechmaslikni” e’lon qilgan Kiyev rahbariyatining obro‘siga qattiq ta’sir qiladi, deyishmoqda tahlilchilar.
Bundan tashqari, NATOning navbatdagi yordamining taqdiri ham frontdagi vaziyatga bog‘liq. UQK haqiqiy muvaffaqiyatga erishgan taqdirdagina G‘arb ularga kuchli qurollar yetkazib berishga tayyor.
Va nihoyat, Artyomovsk muhim transport markazi bo‘lib, yaqin vaqtgacha Donbassdagi UQKning butun guruhi shu yerdan ta’minlangan. Bu yerdan Slavansk, Seversk, Lisichansk, Popasnaya, Svetlogorsk, Gorlovka va Konstantinovkaga yo‘llar ketgan. Ya’ni, gap Rossiya qo‘shinlarining navbatdagi hujumi uchun muhim tramplin haqida ketmoqda.
Janubdan chalg‘itish
Yaqinda AFP agentligi yuqori martabali amerikalik mulozimga tayanib, Pentagon Kiyevga Seversk-Artyomovsk chizig‘ini tark etib, g‘arbda qarab mudofaa chizig‘ini egallashni qat’iy tavsiya qilgani haqida xabar berdi. Amerikalik maslahatchilar Ukraina Qurolli kuchlarini ushbu yo‘nalishga qo‘shin va texnika jo‘natishdan tiyilish haqida ogohlantirdilar, chunki bu yerda Rossiya yetakchilik qilmoqda. Kuchlarni bahorgi hujum uchun Janubda to‘plash yaxshiroqdir.
Biroq, Kiyev boshqacha qaror qabul qilgan ko‘rinadi.
Shu bilan birga, rus qo‘shinlari Zaporoje viloyatida ham faollashdi. Viloyat ma’muriyati bosh kengashi a’zosi Vladimir Rogov ma’lum qilishicha, Ukraina bo‘linmalari to‘qnashuv chizig‘idagi o‘nlab aholi punktlarini qoldirib ketganini ma’lum qildi. Xususan, Zaporojedan 25 kilometr uzoqlikdagi Dnepr sohilidagi Kamenka qishlog‘i. Sharqda ham Orexov hududida oldinga siljidik.
"Bizning armiyamiz hujumni davom ettirmoqda, - dedi Rogov. - Ukraina qo‘shinlarining ikkinchi va uchinchi mudofaa chizig‘idagi pozitsiyalari allaqachon ochilgan, birinchisi yo‘q qilingan. Rossiya bo‘linmalarining taktik muvaffaqiyatlari tufayli, shuningdek. artilleriya va aviatsiyaning nishonlar bilan aniq ishlashi, front chizig‘ini asta-sekin mintaqa shimoliga surmoqda".
Uning so‘zlariga ko‘ra, Ukraina Qurolli kuchlari katta yo‘qotishlarga uchradi. Va, aftidan, ular boshqa yo‘nalishlarda - birinchi navbatda, ular uchun vaziyat kundan-kunga yomonlashib borayotgan Artyomovskda uzoq qola olmaydi. Bu shahar Donbass uchun asosiy jang bo‘ladigan Kramatorsk va Slavanskka boradigan eshikdir.