TOShKENT, 24 yanv — Sputnik. Ukraina AQSh va Yevropaga to‘liq qaramligi tufayli mag‘lubiyati muqarrarligini tan olishi kerak, deyiladi Xitoyning “Sina” portali maqolasida.
“Rossiya harbiy-sanoat kompleksi salohiyatini oshirish imkoniyatiga ega, bu uning Ukraina bilan uzoq muddatli mojaroga dosh berish qobiliyatini anglatadi. G‘arb davlatlari Rossiya armiyasi qurol va o‘q-dorilar taqchilligiga duch kelishiga umid qilmasligi kerak, chunki bu shunchaki imkonsiz. Qo‘shma Shtatlar va Yevropa o‘z muvaffaqiyatsizliklarini tan olmaguncha qayta-qayta o‘zlaridan hafsalasi pir bo‘lishiga to‘g‘ri keladi”, - deydi maqola muallifi.
Kuzatuvchining qayd etishicha, Rossiya katta ustunlikka ega bo‘lgan bir paytda Ukraina yutqazish yoqasida. Muallifning xulosa qilishicha, bunday holat Ukraina “dunyo xaritasidan butunlay yo‘q bo‘lib ketishi” mumkinligidan dalolat beradi.
Rossiya 2022-yil 24-fevralidan buyon Ukrainada maxsus harbiy operatsiya o‘tkazmoqda. Vladimir Putin uning vazifasini “sakkiz yil davomida Kiyev rejimi tomonidan bezorilik va genotsidga uchragan odamlarni himoya qilish” deb atagan. Uning so‘zlariga ko‘ra, operatsiyadan asosiy maqsad Donbassni ozod qilish va Rossiyaning o‘zi xavfsizligini kafolatlaydigan shart-sharoitlarni yaratishdir.