TOShKENT, 24 yanv — Sputnik. Ukrainadagi maxsus operatsiya chog‘ida Rossiya qo‘shinlariga deyarli butun G‘arb qarshi turibdi, mamlakatning hozirgi tarixida janglarning bunday darajasi hali bo‘lmagandi. Bu haqda Rossiya Qurolli kuchlari bosh shtabi boshlig‘i Valeriy Gerasimov ma’lum qildi.
“Harbiy xatti-harakatlarning bunday darajasi va jadalligini zamonaviy Rossiya hali bilmagandi. Mamlakatimiz va Qurolli kuchlarimizga bugun deyarli butun kollektiv G‘arb qarshi turibdi”, - dedi Gerasimov "AiF" nashriga intervyusida.
Uning so‘zlariga ko‘ra, Bosh shtab prezident tomonidan qo‘yilgan maxsus operatsiya maqsadlariga erishish uchun zaruriy choralarni ko‘rmoqda. Harbiylar mavjud harbiy tahdidlarni inobatga olib, Rossiya xavfsizligini ta’minlashmoqda.
2022 yil 24-fevralidan buyon Rossiya Ukrainada maxsus harbiy operatsiya o‘tkazmoqda. Rossiya prezidenti Vladimir Putin uning maqsadini “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan. Qurolli kuchlar oldida Donbassni ozod qilish va Rossiya xavfsizligini kafolatlash vazifasi turibdi.