TOShKENT, 18 yanv — Sputnik. Moskva va Kiyev o‘rtasidagi yangi muzokaralar uchun tomonlarning ikkita huquqiy jihatdan roziligi zarur, gap Ukrainaning sobiq hududlari xalqlarining o‘z taqdirlarini belgilaganligi natijalarini tan olish va yangi xalqaro qoidalarni ishlab chiqish haqida bormoqda. Bu haqda Rossiya Xavfsizlik kengashi raisi o‘rinbosari Dmitriy Medvedev ma’lum qildi.
“Birinchidan, bugun Rossiya ichki huquqchiligida, uning Konstitutsiyasida hayotga tatbiq etilgan Ukrainaning sobiq hududlari xalqlarining o‘z taqdirlarini belgilaganligi natijalarini tan olish (yoki kamida jimgina qabul qilish). Ikkinchidan, yuzaga kelgan va bo‘lajak xalqaro munosabatlarga mo‘ljallangan maxsus xalqaro meyorlarni ishlab chiqish”, - deya yozdi Medvedev o‘zing Telegram kanalida.
24 fevraldan beri Rossiya Ukrainada maxsus harbiy operatsiya o‘tkazmoqda. Rossiya prezidenti Vladimir Putin uning maqsadini “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan. Qurolli kuchlar oldida Donbassni ozod qilish va Rossiya xavfsizligini kafolatlash vazifasi turibdi.
23-27 sentabr kunlari Ukrainaning ozod qilingan hududlarining Rossiya Federatsiyasi tarkibiga kirishi bo‘yicha referendumlar bo‘lib o‘tdi. Referendum natijalariga ko‘ra DXRda - 99,23%, LXRda - 98,42 %, Xerson viloyatida - 87,05 % va Zaporojye viloyatida - 93,11% aholi Rossiyaga qo‘shilishni yoqlab ovoz bergan.
30 sentabr kuni Rossiya prezidenti Vladimir Putin va DXR, LXR, Xerson va Zaporojye rahbarlari Rossiya tarkibiga yangi hududlarni qabul qilish to‘g‘risidagi shartnomalarni imzolashdi.
3 oktabr kuni Rossiya Davlat dumasi, 4-oktabr kuni esa Rossiya Federal Majlisi Federatsiya kengashi bu shartnomalarni ratifikatsiya qildi.
5 oktabr kuni Rossiya prezidenti Vladimir Putin Donesk va Lugansk xalq respublikalari, Zaporojye va Xerson viloyatlarini Rossiya tarkibiga qabul qilish to‘g‘risidagi shartnomalarni ratifikatsiya qilish to‘g‘risidagi tegishli qonunlarni imzoladi.