TOShKENT, 17 yanv — Sputnik. Checheniston rahbari Ramzan Qodirov ekspertlarning Ukrainadagi maxsus harbiy operatsiyani jahon urushi deb ataganiga qo‘shilmasligini ma’lum qildi.
“Men Rossiyaning Ukrainadagi maxsus harbiy operatsiyasiga jahon mojarosi maqomini yuklamoqchi bo‘lgan turli ekspertlarning suhbatlarini noo‘rin deb atadim. Butun dunyo NATO va uning bir qismi bo‘lgan bir guruh davlatlar bo‘yicha kelishib olgani yo‘q. Ko‘pchilik yirik davlatlar, jumladan, Xitoy, Hindiston, Pokiston va milliardlab aholisi bo‘lgan boshqa o‘nlab davlatlar betaraflikni saqlab qolmoqda”, - deb yozdi Qodirov o‘zining Telegram kanalida.
Uning ta’kidlashicha, dunyo hali uchinchi jahon urushidan uzoqda.
“Agar kimdir “butun dunyo hamjamiyati” Rossiyaga qarshi deb va faqat NATOni “jahon hamjamiyati” deb hisoblasa, buni jahon urushi deb hisoblayversin”, - dedi u.
24 fevraldan beri Rossiya Ukrainada maxsus harbiy operatsiya o‘tkazmoqda. Rossiya prezidenti Vladimir Putin uning maqsadini “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan. Qurolli kuchlar oldida Donbassni ozod qilish va Rossiya xavfsizligini kafolatlash vazifasi turibdi.