TOShKENT, 16 yanv — Sputnik. Rossiyaning “Utair” aviakompaniyasi 16-yanvardan Samara-Samarqand yo‘nalishida muntazam parvozlarni yo‘lga qo‘ydi. Bu haqda aviakompaniya matbuot xizmati xabar berdi.
Reys har dushanba kuni amalga oshiriladi. Samolyot Samaradan mahalliy vaqt bilan soat 13:20 da jo‘naydi.
“Uzbekistan Airports” ma’lumotlariga ko‘ra, “Utair” 22-yanvardan Farg‘ona-Surgut yo‘nalishida reysni yo‘lga qo‘yadi. Parvoz haftada bir marta — yakshanba kunlari amalga oshirilishi rejalashtirilgan.
“Utair” aviakompaniyasi O‘zbekistonga 2011-yildan beri yo‘lovchi reyslarini amalga oshirib kelmoqda. Aviakompaniya Samarqand va Farg‘onadan tashqari Toshkent va Buxoro xalqaro aeroportlariga ham muntazam parvozlarni amalga oshiradi.