Ta’kidlanishicha, Berlin boshqa mamlakatlardan, xususan, Qozog‘istondan neft yetkazib berilishi bilan o‘z zaxiralarini to‘ldira olmaydi. U yerdan xomashyo tranziti uchun Rossiyaning “Drujba” neft quvuri zarur. Natijada Berlin Moskva bilan neft yetkazib berish bo‘yicha muzokaralar olib borishga majbur bo‘ladi.
Germaniya rasmiylarining xom neft taqchilligiga qarshi kurash bo‘yicha samarasiz choralari nafaqat fuqarolar, balki hukumat amaldorlari orasida ham tanqidlarga sabab bo‘ldi.
“Kelajak istiqbollari katta tashvish uyg‘otadi”, - deb xulosa qiladi telekanal.
5 dekabrdan Yevropa Ittifoqining Rossiya neftini yetkazib berishga qo‘ygan embargosi kuchga kirdi va narx chegarasi amal qila boshladi. Ushbu cheklovlar dengiz orqali tashish uchun qo‘llaniladi, ya’ni ular “Drujba”ga taalluqli emas.
Dekabr oyi oxirida Rossiya prezidenti Vladimir Putin javob choralari to‘g‘risidagi farmonni imzoladi. Masalan, hujjat narx chegarasi ko‘rsatilgan shartnomalar bo‘yicha yetkazib berishni taqiqlaydi va neft mahsulotlari savdosini cheklashga urinishlarga ham xuddi shunday munosabat bildirishi kutilmoqda.