TOShKENT, 12 yanv — Sputnik. AQShning Rossiyadagi sobiq elchisi Jon Sallivan “Foreign Policy” nashriga bergan intervyusida Rossiya tashqi ishlar vaziri Sergey Lavrovning faoliyatini yuqori baholadi.
“Putin uning qanchalik foydali ekanligini biladi va u juda yaxshi. U nihoyatda aqlli, tajribali. Putin buni tushunadi”, - deydi u.
Sallivan rossiyalik diplomatning ishiga past baho bermaslikni maslahat berdi. Sallivanning so‘zlariga ko‘ra, Rossiya rahbari Lavrovga yuqori baho beradi.
Rossiya TIV faoliyatini sharhlar ekan, u rossiyaliklar rasmiy tartib-qoidalarga ehtiyotkorona munosabatda bo‘lishlarini ham ta’kidladi.
Ma’lumot uchun, Jon Sallivan 2020-yil 16-yanvardan 2022-yil 4-sentabrgacha AQShning Rossiyadagi elchisi lavozimida ishlagan.