TOShKENT, 11 yanv — Sputnik. Rossiya Mudofaa vazirligi Markaziy harbiy okrugning maxsus harbiy operatsiya hududidagi TOS-1A "Solnsepok" og‘ir o‘tsochar tizimlarining ishi aks etgan videoni ko‘rsatdi.
Ta’kidlanishicha, bu qurol bilan dushmanning pana joylari, kuzatuvchi punktlari, artilleriya pozitsiyalariga zarba berilmoqda.
TOS-1A "Solnsepok" - Rossiyaning eng kuchli qurollaridan biri bo‘lib, tizim piyoda va zirhli texnikani qo‘llab-quvvatlash uchun mo‘ljallangan.
U 24 ta 220 millimetrli termobarik va yondiruvchi snayadlar bilan jihozlangan bo‘lib, 600 metrdan 10 km gacha zarba berish quvvatiga ega. Termobarik snaradlar gazsimon bulut hosil qiladi va uni portlatib yuboradi. Natijada qisqa vaqt ichida atrofdagi butun kislorod yonib ketadi. Zarba berilgan hududda havo harorati va bosimi keskin ko‘tariladi.
Shu sababli “Solnsepok”dan hatto bino ichida ham omon qolish imkoni kamayadi.
24 fevraldan beri Rossiya Ukrainada maxsus harbiy operatsiya o‘tkazmoqda. Rossiya prezidenti Vladimir Putin uning maqsadini “sakkiz yil davomida Kiyev rejimi tomonidan tahqirlangan va genotsidga uchragan odamlarni himoya qilish” deb atagan. Qurolli kuchlar oldida Donbassni ozod qilish va Rossiya xavfsizligini kafolatlash vazifasi turibdi.