TOShKENT, 5 yanv — Sputnik. Qozog‘istonda 2022-yilning yanvar oyida yuz bergan tartibsizliklarning asosiy tashkilotchisi Milliy xavfsizlik qo‘mitasining (MHQ) sobiq rahbari Karim Masimov bo‘lgan, dedi mamlakat bosh prokurori Berik Asilov Majilis (parlament quyi palatasi) yalpi majlisidan keyin jurnalistlar savollariga javob berib.
Sputnik Qozog‘istonning yozishicha, jurnalistlarBerik Asilovdan yanvardagi tartibsizliklarning asosiy tashkilotchisi kimligini so‘radi.
“Ya’ni, Masimov asosiy tashkilotchi, to‘g‘rimi? Tergovchilarga ko‘ra, ha yoki yo‘q”, - deya savol bergan jurnalistlar.
“Shunday deyish mumkin”, deya javob qaytargan bosh prokuror.
Berik Asilov yalpi majlisda so‘zlagan nutqi davomida MXQning sobiq boshlig‘i Karim Masimov 2022-yil 5-yanvarda tashkilot boshqarmalari binolarini tark etishni buyurganini aytgandi.
Eslatib o‘tamiz, Milliy xavfsizlik qo‘mitasining sobiq rahbari, hozirda davlatga xiyonat va davlat to‘ntarishiga urinishda gumon qilinayotgan Karim Masimov 2022-yil 6-yanvarda hibsga olingandi.
Davlatga xiyonat qilishda aybdor bo‘lgan shaxslar 10-yildan 15-yilgacha qamalishi va Qozog‘iston fuqaroligidan mahrum etilishi mumkin.