Toshkent shahrining Olmazor tumanidagi Keles yo‘li ko‘chasi ta’mirlash ishlari uchun qisman yopildi, deb xabar berdi poytaxt hokimligi.
“Yo‘l ta’mirlash ishlari olib borilishi sababli, 2023-yilning 4-yanvaridan ta’mirlash jarayoni yakunlanguniga qadar Keles yo‘li ko‘chasining Toshkent halqa avtomobil yo‘li ko‘prigidan Moyariq ko‘chasigacha bo‘lgan oralig‘i avtotransport vositalari harakati to‘xtatilmagan holda qisman yopiladi”, - deyiladi hokimlik xabarida.
Hokimlik keltirilgan noqulaylik uchun uzr so‘ragan.