TOShKENT, 1 yanv — Sputnik. KXDR yetakchisi Kim Chen In mamlakat partiyasi plenumidagi ma’ruzasida birinchi razvedka sun’iy yo‘ldoshi va raketa tashuvchisini yaqin vaqt ichida yakunlash va ishga tushirish bo‘yicha ko‘rsatma berdi. Bu haqda RIA Novosti KXDR Markaziy telegraf agentligiga tayanib xabar berdi.
“Ma’ruzada (Kim Chen In – tahr.) Koinotni tadqiq qilish davlat boshqarmasi yakuniy bosqichda olg‘a siljuvchi razvedka yo‘ldoshi va raketasini yaratish bo‘yicha benuqson ishlarni olib borishi va yaqin kunlarda birinchi harbiy sun’iy yo‘ldoshni ishga tushirishi lozimligi qayd etilgan”, - deyiladi xabarda.
Aytilishicha, Kim Chen In ma’ruzasida 2023-yilga mo‘ljallangan maqsadlar va davlat taraqqiyoti uchun zarur bo‘lgan vazifalarni amalga oshirish yo‘llari bayon qilingan.
Shimoliy Koreya yetakchisi o‘z so‘zida dushmanlar bilan qanday kurashish, partiya a’zolari va rahbariyati qanday faol bo‘lishi kerakligi haqida gapirar ekan, bir qator sohalar bo‘yicha istiqboldagi maqsad va ko‘rsatkichlarga to‘xtalib o‘tgan.