TOShKENT, 31 dek - Sputnik. Portugaliyalik futbolchi Krishtianu Ronaldu Saudiyaning “An-Nasr” klubi bilan shartnoma imzoladi, deb xabar e’lon qilindi jamoaning rasmiy Twitter’ida.
AFP xabariga ko‘ra, shartnoma 2025-yilning iyunigacha imzolangan. Futbolchi yettinchi raqam ostidagi jamoada o‘ynaydi.
“Tarix yaratilmoqda. Ushbu imzo nafaqat klubimizni yanada katta yutuqlarga erishishga ilhomlantiradi, balki ligamiz, millatimiz va kelajak avlod o‘g‘il-qizlarini o‘zlarining eng yaxshi versiyasi bo‘lishga undaydi. Krishtianu yangi uyingga xush kelibsan”, - deyiladi xabarda.
Oldinroq Ispaniyaning Marca nashri Ronaldu “Al-Nasr” bilan 2030-yilgacha shartnoma imzolashi, uning 2,5 yilini portugaliyalik futbolchi sifatida o‘tkazishi, faoliyati so‘ngida esa 2030-yilgi jahon chempionatiga mezbonlik qilish uchun podshohlikning Misr va Gretsiya bilan birgalikda topshiradigan arizasini rivojlantirish uchun Saudiya Arabistoni elchisiga aylanishi haqida xabar bergan edi. OAV ma’lumotlariga ko‘ra, Ronaldu “Al-Nasr”da yiliga reklama shartnomalari bilan 200 million yevrodan ko‘proq maosh oladi.
Ronaldu "Oltin to‘p"ning besh karra sohibi. Faoliyati davomida u Portugaliyaning “Sporting”, “Manchester Yunayted”, Ispaniyaning “Real” va Italiyaning “Yuventus” klublari sharafini himoya qilgan. U besh marta Chempionlar ligasida g‘olib chiqqan, uch marta Angliya chempioni, ikki karra Ispaniya va Italiya chempioni bo‘lgan. Ronaldu Portugaliya bilan 2016-yilgi Yevropa chempionati va 2018/19 yilgi Millatlar ligasida g‘olib chiqqan.
Portugaliya terma jamoasi chorak finalga qadar yetib borgan Qatardagi jahon chempionati vaqtida Ronaldu Angliyaning “Manchester Yunayted” klubi bilan shartnomasini muddatidan oldin yakunladi.