TOShKENT, 30 dek — Sputnik. Rossiya prezidenti Vladimir Putin O‘zbekiston prezidenti Shavkat Mirziyoyevni kirib kelayotgan Yangi yil bayrami bilan tabrikladi.
“Barcha sohalarda xalqlarning tub manfaatlariga javob beruvchi va Markaziy Osiyoda barqarorlik va xavfsizlikni ta’minlashga mos keladigan samarali ikki tomonlama hamkorlikni, MDH, ShHT va boshqa ko‘p tomonlama tuzilmalar doirasidagi sheriklik munosabatlarini rivojlantirish bo‘yicha qo‘shma ishlar davom etadi”, deyiladi tabrikda.
Shuningdek, Putin Mirziyoyevga yo‘llagan tabrigida o‘tayotgan yilda ikki davlat o‘rtasida diplomatik munosabatlar o‘rnatilganining 30-yilligi nishonlangani hamda strategik sheriklik va hamkorlikni rivojlantirish davom etganiga alohida e’tibor qaratildi.