TOShKENT, 30 dek - Sputnik. O‘zbekiston Mudofaa vazirligi harbiy orkestrlari aholiga bayram kayfiyatini ulashishda davom etmoqda.
Xususan, Qoraqalpog‘iston Respublikasi Nukus shahrida qorbobo kiyimidagi harbiy okrestr jamoalari shahar aholisi va mehmonlariga Yangi yil bayramining shukuhini o‘zgacha ruhda ulashish uchun bayram tadbirlarini o‘tkazmoqda.
Ushbu maqadda harbiylar Nukus garnizoni harbiy xizmatchilari shahar markazidagi Amfiteatr oldida o‘rnatilgan Yangi yilning bosh archasi hamda “Mega Nukus” savdo-ko‘ngilochar markazi oldida bayramona konsert dasturlarini namoyish etdi
Aytish joizki bu harbiylar aholiga ulashayotgan yagona tadbir emas.
Masalan, O‘zbekiston Qurolli Kuchlari akademiyasi kursantlari Toshkent shahri Yashnobod tumanida joylashgan "Texnopark" mas’uliyati cheklangan jamiyat xodimlariga bayram kayfiyatini ulashdi. Tadbirda “Vatanimga tayanchman” mavzusidagi vatanparvarlik soati tashkil etildi. Shundan keyin, akademiyaning harbiy orkestri va kursantlari ishtirokida ko‘rgazmali chiqishlar namoyish etildi.
Undan biroz oldin shunga o‘xshash tadbir Toshkent shahridagi Mustaqillik maydonida ham tashkil qilingan edi.