TOShKENT, 28 dek — Sputnik. Endilikda tamaki mahsulotlari, shuningdek, tamaki va nikotinni iste’mol qilish uchun vositalarni 21 yoshga to‘lmagan shaxslarga sotish taqiqlanadi. Bu senatorlar ma’qullagan “Alkogol va tamaki mahsulotlarining tarqatilishini hamda iste’mol qilinishini cheklash to‘g‘risida”gi qonunda nazarda tutilgan.
Hujjatga bilan tamaki mahsulotlarining tarqatilishi hamda iste’mol qilinishini cheklash bo‘yicha bir qancha o‘zgarishlar kiritilmoqda.
Unga ko‘ra, tamaki mahsulotlari, tamakini hamda nikotinni iste’mol qilish moslamalarining yigirma bir yoshga to‘lmagan shaxslarga sotish va ushbu shaxslar tomonidan sotib olinishi taqiqlanmoqda.
Quyidagi hududlarda tamaki mahsulotlarini sotish taqiqlanadi:
Savdo avtomatlari va boshqa elektron yoki mexanik qurilmalar orqali;
O‘z-o‘ziga xizmat ko‘rsatish javonlari;
Elektron tijorat ko‘rinishida sotish.
Ko‘chma va sayyor savdo yo‘li bilan (qo‘l, lotoklarda, savatchalarda, qo‘l aravachalarida);
Dorixonalarda va bolalar tovarlarini sotish uchun mo‘ljallangan binolarda.
Sog‘liqni saqlash tashkilotlarida;
Ta’lim muassasalari;
Madaniyat muassasalar;
Sport-sog‘lomlashtirish muassasalari;
sanatoriylar va tibbiy-ijtimoiy muassasalar hududi.
Quyidagi joylarda chekish taqiqlanmoqda:
savdo va xizmatlar ko‘rsatish obyektlari, shu jumladan umumiy ovqatlanish maskanlari, klublar, diskotekalarda;
kinoteatrlar, teatrlar, sirk, konsert, tomosha va ko‘rgazma zallarida hamda ommaviy dam olish uchun mo‘ljallangan boshqa yopiq inshootlarda;
kompyuter xonalari, Internetga ulanish xizmatlarini ko‘rsatish uchun jihozlangan xonalarda yoki boshqa ko‘ngilochar joylarida;
muzeylar, axborot-kutubxona muassasalari va auditoriyalarda;
mahalliy va shaharlararo poyezdlar, kemalarda, avtobuslarda, metro vagonlarida, taksilarda, shahar transportida, havo kemalarida, shuningdek jamoat transportining boshqa turlarida;
voyaga etmaganlar yoki homilador ayollar bor transport vositalarida (shu jumladan fuqarolarning shaxsiy transport vositalarida);
yer osti o‘tish joylarida, metro stansiyalarida, transport to‘xtash va transport vositalarini vaqtincha saqlash joylarida;
temir yo‘l vokzallari, avtovokzallar, aeroportlar, daryo portlari, metro bekatlari binolariga kirish joylaridan 15 metrdan kam masofada joylashgan ochiq havoda;
yong‘in xavfli joylarda, shu jumladan yoqilg‘i quyish shoxobchalarida;
aeroportlar, temir yo‘l va avtomobil stansiyalari, daryo portlari binolarida;
davlat hokimiyati va boshqaruvi organlari, xo‘jalik birlashmalari, shuningdek korxonalar, muassasalar va tashkilotlar binolarida;
sog‘liqni saqlash tizimi tashkilotlari, dorixonalar, ta’lim tashkilotlari, madaniyat muassasalari, sport-sog‘lomlashtirish va sport inshootlari, sanatoriy-kurort va tibbiy-ijtimoiy muassasalarda;
ish joyida, shu jumladan koridorlar, liftlar, zinapoyalar, vestibullar, hojatxonalar, dam olish xonalari, qo‘shni binolar va ish vaqtida xodim foydalanadigan boshqa shunga o‘xshash joylarda;
uy-joy xizmatlari, mehmonxona xizmatlari, vaqtinchalik yashash va (yoki) vaqtinchalik yashash uchun xizmatlar ko‘rsatish uchun mo‘ljallangan binolarda;
ko‘p qavatli uylarning kirish joylari va liftlarida, shuningdek, bolalar va sport maydonchalarida, shu jumladan mahalliy hududda joylashganlarda;
maydonlarda, bog‘larda, plyajlar, chegara hududlarida.