TOShKENT, 25 dek — Sputnik. Mashhur kinorejissor Emir Kusturitsa Kustendorf kino va musiqa festivalining (Küstendorf Film & Music Festival) yopilish marosimiga Butunrossiya davlat kinematografiya institutining (VGIK) Toshkent filiali talabasi Timur Murodovni shaxsan taklif qildi.
Bu haqda universitet matbuot xizmati xabar berdi. Qayd etilishicha, Murodov kinofestivalda o‘zining “Kasseta” filmini taqdim etgan va tanlov dasturiga kirgan.
Kustendorf kinofestivaliga 2008-yilda kinorejissor Emir Kusturitsa tomonidan asos solingan va har yili Serbiyada o‘tkaziladi.
Unda badiiy filmlardan tashqari qisqa metrajli filmlar ham ishtirok etadi. G‘oliblar “Oltin tuxum” bilan taqdirlanadilar.