TOShKENT, 21 dek — Sputnik. Amerikalik tadbirkor va Twitter ijtimoiy tarmog‘i egasi Ilon Mask bu lavozimga “yetarlicha ahmoq odamni” topgach, bosh direktor lavozimini tark etishini aytdi.
20 dekabr kuni CNBC telekanali Mask faol ravishda Twitter’ga yangi bosh direktor qidirayotgani haqida xabar berdi, deb yozadi RIA Novosti.
Mask haqiqatan ijtimoiy tarmoq bosh direktori lavozimini bo‘shatishga tayyorligini aytgan, biroq bunday natijaga erishish uchun bir shartini ham aytib o‘tgan.
“Bu ishni bajarish uchun yetarlicha ahmoq odamni topsam, men bosh direktor lavozimini tark etaman! Shundan so‘ng men dasturiy ta’minot va server guruhlarini boshqaraman”, - deb yozdi Mask Twitter’dagi sahifasida.
Eslatib o‘tamiz, oktabr oxirida Mask Twitter’ni sotib olish bo‘yicha 44 milliardlik kelishuvni yakunlagan edi. U qattiq senzura tufayli keng tanqid qilingan ijtimoiy tarmoq tahririyat siyosatini liberallashtirishga va kontent moderatorlik kengashini tuzishga hamda kengash ishlamaguncha tahririyat siyosati va bloklangan akkauntlarni tiklash bo‘yicha global qarorlar qabul qilmaslikka va’da berdi.