TOShKENT, 19 dek — Sputnik. Qatarda bo‘lib o‘tgan futbol bo‘yicha 2022-yilgi jahon chempionatida Argentina Fransiya ustidan g‘alaba qozondi va uch karra jahon chempioni bo‘ldi.
Argentina jamoasi taqdirlash marosimida
© Sputnik / Grigoriy Sisoyev
Shu bilan birga chempionatning eng yaxshilari aniqlandi. Musobaqaning eng yaxshi o‘yinchisi nomiga Argentina terma jamoasi hujumchisi Lionel Messi loyiq ko‘rildi. Messi mundial davomida 7 ta gol urdi va uchta golli uzatmani yoz nomiga yozdirib qo‘ydi.
Eng yaxshi yosh o‘yinchi sifatida Argentina futbolchisi Enso Fernandes e’tirof etildi.
Enso Fernandes
© AFP 2023 / FRANCK FIFE
Argentina darvozaboni Emiliano Martines esa musobaqaning eng yaxshi darvozaboniga topshiriladigan “Oltin qo‘lqop”ga munosib ko‘rildi.
Fransiya jamoasi yulduzi va finalda xet-trik qayd etgan Kilian Mbappe “Oltin butsi”li bo‘ldi. Futbolchi musobaqa davomida 8 ta gol urishga muvaffaq bo‘ldi.