TOShKENT, 18 dek — Sputnik. Gandbol bo‘yicha ayollar o‘rtasida O‘zbekiston chempionati o‘tkazildi. Bu haqda Sportni rivojlantirish vazirligi xabar berdi.
Gandbol bo‘yicha ayollar o‘rtasida O‘zbekiston chempionati yakuniga yetdi. Respublika Olimpiya va Paralimpiya sport turlariga tayyorlash markazida o‘tgan so‘nggi tur bellashuvlaridan keyin joriy yilgi chempion aniqlandi.
To‘rt davra sarhisobiga ko‘ra, Toshkent viloyatining OKMK jamoasi oltin medalni qo‘lga kiritdi. Kumush medal Toshkent shahri jamoasiga nasib etgan bo‘lsa, kuchli uchlikni samarqandlik qizlar yakunlab berishdi.