TOShKENT, 17 dek — Sputnik. Rossiya Qurolli kuchlari “Penitsillin” eng zamonaviy razvedka tizimlarining partiyasini oldi, deb xabar qildi RIA Novosti o‘z manbasiga asosan.
"Mudofaa vazirligi 1B76 “Penitsillin” rusumidagi eng yangi ovoz-termik razvedka tizimlarining navbatdagi partiyasini oldi, artileriyaga qarshi jang qilish uchun maxsus operatsiya zonasida qo‘llanilishi rejalashtirilgan. “Penitsillin” Ukraina qo‘shinlari artilleriyasining pozitsiyalarini samarali aniqlaydi va ularni tezda yo‘q qilish uchun koordinatalarni uzatadi", - dedi agentlik suhbatdoshi.
"Penitsillin" allaqachon Ukrainadagi janglarda, ukraina qo‘shinlariga yetkazib berilgan NATO artilleriyasiga qarshi kurashda o‘zlarining samaradorligini tasdiqladi.
Komplekslar o‘q va portlashlardan akustik va termal to‘lqinlar orqali raketa artilleriyasini, shuningdek, zenit va taktik raketalarni ko‘rish imkoniyatiga ega. Ular operatorga dushman qurolining aniq koordinatalarini uzatadi, bitta nishonga otish koordinatalarini aniqlash vaqti 5 soniyadan oshmaydi.
Rossiya 24-fevraldan buyon Ukrainada maxsus harbiy operatsiya olib bormoqda. Rossiya prezidenti Vladimir Putin uning asosiy vazifasini “Kiyev rejimi tomonidan sakkiz yil davomida tahqirlash, genotsidga uchragan odamlarni himoya qilish” deb atagan.
Prezidentning so‘zlariga ko‘ra, operatsiyaning asosiy maqsadi - Donbassni ozod qilish va Rossiya xavfsizligini kafolatlaydigan shart-sharoitlarni yaratishdir.
Sentabr oyida o‘tkazilgan referendum natijalariga ko‘ra DXR, LXR, Xerson va Zaporojye viloyati Rossiyaga qabul qilindi.