TOShKENT, 16 dek – Sputnik Polsha bosh vaziri Mateush Moraveskiy Yevroparlamentdagi korrupsion mojaroga izoh berdi va uni ikkiyuzlamachilikda aybladi. Bu haqida Interia nashri xabar bermoqda.
“Yevropa parlamentdagi korrupsiya aferasi – juda katta mojaro. Boshqa mamlakatlarni, jumladan Polshaga qonun ustuvorligini tushuntirmoqchi bo‘lganlar, avvalo o‘z hovlisini tozalab olishi kerak”, - deydi siyosatchi.
U, shuningdek, Yevroparlamentda “katta masxarabozlik” hukmronligini aytib o‘tdi. Uning so‘zlariga ko‘ra, parlament vakillari voqea yuzasidan izoh berganlarida ma’lum bo‘ldi.
“Yevroparlament qonunlarga itoat qilmaydi. Bugun niqoblar yechildi va tashkilot birinchi navbatda o‘zini tartibga solib olishi kerak”, - deydi Polsha bosh vaziri.
Belgiya hukumati juma kuni Brusselda korrupsiya gumonlarini tergov qilish munosabati bilan bir necha bor tintuvlar o‘tkazdi. Korrupsiya mojarosi Qatarda chempionati bilan bog‘liqligi aytilmoqda. Yevroparlament raisi o‘rinbosari, grek siyosatchisi Yeva Kayli va uning sherigi qo‘lga olindi, siyosatchining yashash joyida tintuv o‘tkazildi. Siyosatchi Pasok-Kinal (Gretsiya) partiyasidan chiqarib yuborildi. Yevropa Parlamenti rahbari Roberta Metsola YeP vitse-parlamenti sifatida Kayliga berilgan barcha vakolatlarni to‘xtatishga qaror qildi.