TOShKENT, 14 dek — Sputnik. Eron xalqi koronavirus pandemiyasi davrida mamlakatga xorijdagi moliyaviy resurslaridan foydalanish imkonini bermagan G‘arb mamlakatlarining respublikaga nisbatan namoyon qilgan xulq-atvorini unutmaydi. Bu haqda Eronning Rossiyadagi elchisi Kozim Jaloliy ma’lum qildi.
“Ko‘plab G‘arb mamlakatlari koronavirusga qarshi kurashish uchun ulkan mablag‘lar ajratishdi. Biroq ular Eronga Erondan tashqarida bo‘lgan moliyaviy resurslaridan foydalanishga imkon berishmadi, bunday mushkul davrda moliyaviy resurslardan foydalanishga imkon berishmadi”, - dedi Jaloliy elchixona qarorgohidagi matbuot anjumanida.
Elchi Eron xalqi “G‘arb mamlakatlarining o‘sha jabr-zulmini unutmasligini” ta’kidladi.
“Sanksiyalarga to‘xtaladigan bo‘lsak, o‘ylaymizki, kollektiv G‘arb sanksiyalardan insoniyatga qarshi qurol sifatida foydalanmoqda. <...> Ko‘p odamlarning dori-darmonlarga, biror bir tibbiy yordamga yoki davolanish masalalariga muhtoj. Sanksiyalar aynan turmushdagi bu kunlik ehtiyojlarga suiqasd qilmoqda”, - dedi diplomat Yevropaning Eronga qarshi sanksiyalari haqidagi savolga javob berayotib.