TOShKENT, 10 dek — Sputnik. Ulug‘bek Rashitov Saudiya Arabistonida bo‘lib o‘tgan taekvondo WT bo‘yicha yakuniy Gran-prining kumush medal sovrindoriga aylandi. Bu haqda Milliy olimpiya qo‘mitasi xabar berdi.
Saudiya Arabistonida tayekvondo WT bo‘yicha yilning yakuniy Gran-pri musobaqasi o‘z yakuniga yetdi. Unda ishtirok etgan Ulug‘bek Rashitov -68 kg vazn toifasida kumush medalga sazovor bo‘ldi. U finalda iordaniyalik Zaid Karimga 1:2 hisobida imkoniyatni boy berdi.
Rashitov ushbu natija evaziga o‘z hisobiga Parij-2024 Olimpiadasi uchun 60 ochkoni qo‘shib qo‘ymoqda.
Ulug‘bek Rashitov
© Milliy olimpiya qo‘mitasi
Eslatib o‘tamiz, Rashitov Ulug‘bek Rashitov chorak finalda shvetsiyalik Ali Alianga qarshi bahs olib borgandi. Barcha raundlarda o‘zining yaqqol ustunligini namoyish eta olgan Rashitov 2:0 hisobida g‘alaba qozondi va oltin medal sari yana bir qadam tashladi.
U erkaklar o‘rtasidagi -68 kg vazn toifasining yarim finalida britaniyalik Bredli Sindenga qarshi dayanga chiqdi. Rashitov o‘z ustunligida o‘tkazgan bahsni raqamlarda ham ko‘rsata oldi va 2:0 hisobida g‘alaba qozondi.