Jahon sog‘liqni saqlash tashkiloti (JSST) ma’lumotlariga ko‘ra, so‘nggi 30-yilda dunyoda semiz odamlar soni uch baravar oshgan. Xususan, 5 yoshdan 19 yoshgacha bo‘lgan 340 milliondan ziyod bolalar va o‘smirlar shu dardga duchor bo‘lgan.
2030 yilga borib yer yuzi aholisining qariyb 45% semirib ketishi mumkin. Yevropa va Markaziy Osiyoda yashovchi katta yoshli aholining 60% ortiqcha vazn va semirishdan aziyat chekmoqda. Har uch boladan biriga shu tashxis qo‘yilgan. Semizlik oqibatida kelib chiqadigan kasalliklar tufayli Yevropa va Markaziy Osiyoda yiliga 1,2 million kishi hayotdan ko‘z yummoqda.
Shu sababli JSST joriy yil may oyidan semizlikni dunyo bo‘yicha epidemiya deb e’lon qilgan.