TOShKENT, 4 dek — Sputnik. Agar AQSh hukumati to‘laqonli harbiy budjet o‘rniga bir yilga moliyalashtirish bo‘yicha rezolyutsiya qabul qilsa, Ukrainaga yordam kamayishi mumkin. Bu haqda “Politico” nashri maqolasida yozilgan.
“AQSh Mudofaa vazirligi rasmiylari, agar harbiylar tarixda birinchi marta bir yillik vaqtinchalik moliyalashtirish akti bo‘yicha harakat qilishga majbur bo‘lsa, Ukrainaga yordam berishdan tortib, yangi B-21 bombardimonchilarini olish muammolarigacha bo‘lgan jiddiy oqibatlar ro‘yxatini tuzdi”, - deyilgan xabarda.
Ta’kidlanishicha, rezolyutsiya Pentagonning moliyalashtirilishini 29 milliard dollarga yoki prezident Jo Baydenning 2023 moliya yili uchun so‘rovidan 3,7 foizga qisqartiradi.
Qayd etilishicha, agar Kongress vaqtinchalik moliyalashtirish haqida qaror qabul qilsa, bu bahordayoq Ukrainaga harbiy yordamni to‘xtatishi mumkin.
Bahorda Kongress Ukrainaga harbiy va iqtisodiy yordam sifatida qariyb 40 milliard dollar ajratdi, oktabroyida esa Bayden Kiyev uchun yana 12,4 milliard dollar ajratilishini ko‘zda tutuvchi muvaqqat hukumatni moliyalashtirish to‘g‘risidagi qonun loyihasini imzoladi.
Rossiya 24-fevraldan beri Ukrainada maxsus harbiy operatsiya o‘tkazmoqda. Shu fonda Qo‘shma Shtatlar va uning NATO bo‘yicha ittifoqchilari Kiyev rejimiga o‘nlab milliard dollarlik qurol-yarog‘ yuborishda davom etmoqda. O‘z navbatida, Moskva G‘arb qurollarini yetkazib berish mojaroni uzaytirishini, qurol-yarog‘ tashish esa Rossiya armiyasi uchun qonuniy nishonga aylanishini bir necha bor ta’kidlagan.