TOShKENT, 1 dek — Sputnik. Rossiya Tergov qo‘mitasi (TQ) tergovchilari Donesk shahrining Lenin tumanida Ukraina qo‘shinlarining o‘qqa tutishi oqibatlarini qayd etishdi, deb xabar bermoqda RIA Novosti.
Zarba natijasida qator turar joylar vayron bo‘lgan.
“Rossiya Tergov qo‘mitasi tergov guruhi Donesk shahrining Lenin tumanidagi hodisa joyini ko‘zdan kechirish uchun bordi. 2022-yil 30-noyabr kuni kunduzi soat to‘rtda uy hovlisiga zarba berilgandi. Bir erkak jabrlangan. U snarad parchasidan jarohat olgan. Hozir u shifoxonaga yotqizilgan”, - dedi Rossiya TQ xodimi.
Tergovchilar hodisa joyini ko‘zdan kechirishgan va o‘q-dori parchalarini ekspertizaga jo‘natish uchun olib qo‘yishgan.
“Tergov guruhi ishlamoqda, keyinchalik ekspertizaga yuborish va snaradning turi va ko‘rinishini aniqlash uchun topilgan snarad parchalari olib qo‘yilmoqda”, - dedi tergovchi.
Rossiya 24-fevraldan buyon Ukrainada maxsus harbiy operatsiya olib bormoqda. Rossiya prezidenti Vladimir Putin uning asosiy vazifasini “Kiyev rejimi tomonidan sakkiz yil davomida tahqirlash, genotsidga uchragan odamlarni himoya qilish” deb atagan. Mamlakat Qurolli kuchlari oldida Donbassni ozod qilish va Rossiya xavfsizligini kafolatlash turibdi.