TOShKENT, 1 dek – Sputnik. O‘zbekiston biznesi Rossiyada bo‘shab qolgan o‘rinlarni egallash imkoniyatiga ega. Bu haqda Rossiya Iqtisodiy rivojlanish vaziri Maksim Reshetnikov Samarqand biznes-forumida shunday bayonot bilan chiqdi, deb xabar berdi Sputnik muxbiri.
“Yangi reallikda biz nafaqat qiyinchiliklarni, balki imkoniyatlarni ham ko‘rmoqdamiz. Birinchi navbatda gap hamkorlikni chuqurlashtirish haqida. Yangi bozorlarni, jumladan, uchinchi mamlakatlar bozorlarini o‘zlashtirish zarur. Bundan tashqari, O‘zbekiston biznesi Rossiyadagi bo‘sh o‘rinlarni egallash imkoniyatiga ega”, - deydi vazir.
Uning so‘zlariga ko‘ra, bu borada O‘zbekiston va Rossiya ishbilarmonlar kengashlari muhim o‘rin tutadi. Ular korxonalar o‘rtasida aloqalarni yo‘lga qo‘yish bilan birga, ikki davlat bozorlarini tovarlar bilan to‘ldirishga yordam beradi.
Bundan tashqari, u muayan tarmoqlarda, xususan, makromintaqaviy integratsiyani mustahkamlash bo‘yicha hamkorlikda ishlash uchun yanada ko‘proq imkoniyat paydo bo‘lganini ta’kidladi. Masalan, ayni paytda logistika sohasida qo‘shma loyihalar ishlab chiqilmoqda. Shuningdek, u Agroekspress loyihasi katta salohiyatga ega ekanligini, u YeOII mamlakatlari o‘rtasida amalga oshirilayotganini qo‘shimcha qildi.